Fərid Fazil oğlu Cəfərov
Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinin tabeliyində
Daşınmaz Əmlakın Dövlət Kadastrı və Reyestri publik hüquqi şəxsin İdarə Heyətinin sədr müavini
Daşınmaz Əmlakın Dövlət Kadastrı və Reyestri publik hüquqi şəxsin İdarə Heyətinin sədr müavini
1987-ci il 16 iyul tarixində Bakı şəhərində anadan olmuşdur.
2004-cü ildə bakalavriat pilləsi üzrə Azərbaycan Dövlət Neft Akademiyasına daxil olmuş, 2008-ci ildə həmin universiteti beynəlxalq iqtisadi münasibətlər ixtisası üzrə bitirmişdir.
2013-cü ildə magistratura pilləsi üzrə Azərbaycan Dövlət Aqrar Universitetinə daxil olmuş, 2016-cı ildə həmin universiteti maliyyə bazarları ixtisası üzrə bitimişdir.
2012-ci ildə Amerika Birləşmiş Ştatlarının “George Washington” Universitetinə daxil olmuş, 2013-cü ildə həmin universiteti layihə idarəetmə üzrə biznes məktəbi master sertifikatı ixtisasını bitirmişdir.
2021-ci il tarixindən hazırkı dövrədək Amerika Birləşmiş Ştatlarının “Duke” Universitetində adaptiv strateji icra proqramı üzrə əlavə təhsil alır.
2010-2011-ci illərdə “Azərpoçt” MMC-də aparıcı mütəxəssis, 2011-2013-cü illərdə "Bank Respublika" ASC-də mütəxəssis, aparıcı mütəxəssis, 2013-cü ildə "Finanslizing" ASC-də İdarə heyətinin sədri, 2013-2015-ci illərdə "FinEX Kredit" BOKT ASC-də İdarə heyətinin üzvü vəzifələrində çalışmışdır.
2016-2018-ci illərdə Əmlak Məsələləri Dövlət Komitəsinin Aparatında sektor müdiri, sədrin köməkçisi vəzifələrində çalışmışdır.
2018-2019-cu illərdə Əmlak Məsələləri Dövlət Komitəsi Daşınmaz Əmlakın Kadastrı və Ünvan Reyestri Xidmətinin Kadastr və Yerquruluşu Layihə - Tədqiqat Mərkəzi MMC-də direktor vəzifəsində çalışmışdır.
2019-2021-ci illərdə Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidməti, Daşınmaz Əmlakın Kadastrı və Ünvan Reyestri Xidmətinin Kadastr və Yerquruluşu Layihə - Tədqiqat Mərkəzi MMC-də direktor vəzifəsində çalışmışdır.
2021-ci ildə Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətində sədrin müşaviri vəzifəsinə təyin edilmişdir.
2021-ci ildə Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinin tabeliyində Daşınmaz Əmlakın Dövlət Kadastrı və Reyestri publik hüquqi şəxsin İdarə Heyətinin sədr müavini vəzifəsinə təyin edilmişdir.
Ailəlidir, 1 övladı var.